Verkefni á vegum Steinsteypunefndar

 Markmið með þessari rannsókn var að rannsaka áhrif víbrunar á einsleitni steypu og reyna að meta hvort hætta sé á aðskilnaði í venjulegri C 25 steypu sem er lögð í veggi ef sigmál hennar er komið yfir 200-220 mm. Einnig að gera samanburð á venjulegum víbratorum og hátíðnivíbratorum.

Í verkefninu Umhverfisvæn steinsteypa sem lýkur 2009 hafa komið fram athyglisverðar niðurstöður hvað varðar rýrnun. Mælingar gefa til kynna að svokölluð Eco-SCC rýrni verulega minna en v/s-talan, loftmagn eða rúmmálshluti efju ættu að gefa tilefni til. Verkefnið gengur út á að rannsaka hvað veldur og bera saman við rýrnun á venjulegri steinsteypu.

Vert er að nefna að kornadreifing í Eco-SCC er verulega frábrugðin því sem gerist í venjulegum steypugerðum, t.d. er hluti stórra steina verulega minni (sem alla jafna ætti að leiða til aukinnar en ekki minnkaðrar rýrnunar).

Trefjar geta aukið jarðskjálftaþol steyptra mannvirkja verulega og nú stendur til að hefja framleiðslu á íslenskum basalttrefjum (sem framleiddar verða með svipaðri tækni og steinull). Kannaðir verða eiginleikar steinsteypu með basalttrefjum og bornir saman við eiginleika (m. a. burðarþol) steypu með plast- og stáltrefjum. Í verkefninu eru einnig fyrirhugaðar mælingar á sýnum úr sprautusteypum, sem þegar hafa verið gerðar á vegum B.M.Vallá og Metrostav.

Mælingar hafa verið gerðar á útþornun í steyptum gólfum. Túlkun niðurstaðna fyrir byggingariðnaðinn varðandi það hvenær leggja má rakaþétt yfirlag á gólfin hefur verið erfið þar sem línurit fyrir jafnvægisraka í íslenskri steinsteypu hafa fram til þessa ekki verið tiltæk. Nú liggja þau fyrir (Íslenski útveggurinn) og er unnt að veita haldbetri ráðgjöf á þessu sviði. Verkefnið er að hluta til fólgið í aðlögun Torka forritsins svo að það hæfi íslenskum aðstæðum, og í einföldun á notendaviðmóti svo það sé einfalt í praktískri notkun. Ofannefndu verkefni lýkur á árinu með riti sem er ætlað sem ráðgjöf varðandi yfirborðslagnir á gólf.

Markmið verkefnisins er að sannreyna áhrif nýrra tegundar burðarþolstrefja hvað varðar áhrif á vinnanleika hrásteypu, brotorku og áhrif á sprunagumyndun og rýrnun.
Stáltrefjar, sem notðar hafa verið sem burðarþolstrefjar hafa milil áhrif á vinnanleika steypunanr en til þess að áhrif þeirra séu veruleg þarf mikið magn af þeim og verður steypan þá erfið í vinnslu. Hinar nýju plasttrefjar eiga að hafa sambærileg áhrif og stæaltrefjar en hafa mun minni áhrif á vinnslueiginleika.
Gerð verpur heimildarkönnun og prófsteypur til að mæla brotorku á steyptum strendingum, ásamt hefðbundnum mælingum mælingum á þrýstiþoli, fjaðurstuðli o.fl.

Ný tegund burðarþolstrefja (structure fibre) í stað hefðbundinnar rýrnunarbendingar

Verkefið tekur á mikilvægum þætti er lítur að minnkun á losun gróðurhúsalofttegunda og væntalegum breytingum í sements- og steinsteypuframleiðslu. Við framleiðslu eins tonns af sementi myndast tæpt tonn af gróðurhúsalofttegundum (CO2). Markmið verkefnisins er að þróa steinsteypu sem inniheldur mun minna af sementi (allt að þriðjungi) en notað er í dag án taps á gæðum og minnka þannig losun á óæskilegum gróðurhúsalofttegundum. Annað sem vinnst er t.d. lægri hráefniskostnaður og minni rýrnun. Sú nálgun sem verður notuð er ný - byggð á flotfræði. Aðrar þekktar aðferðir sem hafa verið notaðar s.s. notkun flugösku og gjalls hafa ekki gefið fullnægjandi árangur m.t.t. gæða og hagræðingar. Um er að ræða þriggja ára verkefni sem stutt er af ýmsum aðilum innlendum of erlendum.

Mótaþrýstingur í SÚL steypum getur valdið vandamálum þar sem hann er verulega hærri en í venjulegum steypum.Tilraunir verða gerðar með mismunandi tegundir FPRA (from pressure Releasing Agents). Verkefnið tengist enfremur verkefninu; Ný tegund burðaþolstrefja í steypu

Rannsóknastofnun byggingariðnaðarins hefur keypt tæki: DBT Air Void Analyzer. Í því á að vera unnt að mæla loftkerfi í steinsteypu (loftmagn, fjarlægðarstuðul m.m.) Strax eftir hrærstu og fyrir niðurlögn. Hér er um mikla nýjung að ræða sem ætti að nýtast vel í baráttu við frostskemmdir i steypu. Verkefnið er fólgið í því að sannreyna notkunargildi tækisins með því að mæla loftkerfi í mismunandi blöndun með mismunandi fylliefni og sementstegundum og bera saman við loftkerfi sömu blandna mælt eftir hörðnun. Slík úttekt er nauðsynleg áður en unnt verður a nýta tækið við steypuframleiðslu.

 Markmið verkefnisins er að meta rakatigi í útveggjum húsa og þar með hættu á frostskemmdum. Fyrir liggur nokkur fjöldi mælinga á borkjörnum en bæta þarf við mælingum á hlutfallsraka til þess að unnt sé að ljúka skýrslugerð og draga ákveðnar ályktanir.

Loft og loftkerfi steinsteypu er mikilvægasti þáttur steypugerðar til þess að tryggja veðrunarþol hennar gagnvart frost/þíðu álagi. Í skýrslunni er greint frá rannsóknum þar sem meta á áhrif á loft og loftkerfi steypu annars vegar með því að dæla henni í mót og hins vegar að losa hana beint í mótin úr síló. Jafnfram er skoðað áhrif titrunar á steypuna.

 Víða á landinu er fyrir hendi fylliefni þar sem talsverður hluti þess er í 2. og 3. gæðaflokki samkvæmt berggreiningu. Skort hefur prófunaraðferð til að meta gæði þess gagnvart frost-þýðu álagi. Slikt próf hefur þó verið þróað og er notað við mat á steinefnum til vegagerðar. Prófið er fljótlegt og hefur gefið góða raun. Í verkefninu eru prófuð mismunandi fylliefni og  flokkar m.t.t. frostþols til að nota í steinsteypu an til þess þarf að framkvæma frostþolspróf á steinsteypu úr sömu efnum. íÍ framhaldi er gert ráð fyrir að gerðar verði alkalí prófanir með steypustrendingaaðferð á virkum efnum með mismunandi magni af íblönduðum óvirkum efnum.

Markmið verkefnisins er í stuttu máli að rannsaka skrið í steinsteypu með íslenskum efnum, sementi og fylliefnum. Kanna áhrif mismunandi styrkleikaflokka steinsteypu og tegunda íslensks fylliefnis á skrið í steinsteypu.

Mælingar á skriði hafa nú verið í gangi um sex ára skeið og enn sér ekki fram á að skrið í sýnunum hægi á sér. Pálmi Þ. Sævarsson (VST) sem er að ljúka prófverkefni sínu við HR, mun hefja meistaraverkefni um sérstöðu íslenskrar steinsteypu og gera útreikninga á áhrifum skriðs á niðurbeygju í mannvirkjum. Gerðar verða 6 nýjar prófblöndur og sýni sett í nýja skriðrekka. Steypurnar verða í styrkleikaflokknum C25 með íslenskum og norskum fylliefnum ásamt Eco-SCC og venjulegri SCC.

Markmið verkefnisins er gerð samræmdra verklýsinga á sviði steinsteypu sem hönnuðir eru sammála um að nota. Þetta mundi stuðla að meira samræmi milli verkfræðistofa, eyða lélegum eða röngum verklýsingum sem í gangi eru og auðvelda steypuframleiðendum en brögð hafa verið á misræmi í verklýsingum. Verklýsingarnar munu ná yfir niðurlögn og aðhlynningu auk steypugerðar. Verklýsingarnar verða aðgengilegar á internetinu.

Árið 2004 keypti Rb. tækið "Autoclam" sem mælir loft- og rakaþéttleika og rakaísog yfirborðs steyptra mannvirkja en þessir þættir eur góður mælikvaði á gæaði yfirborðsins. Markmið vekefnisins er að gera ástandskönnun á mannvirkjum og gera samnaburðar mælingar við þekkt sýni, sem hafa fengið góða og lélega aðhlynningu. Nýta má niðurstöðurnar til þess að undirstrika mikilvægi góðrar aðhlynningar á byggingarstað og bera saman mismunadni tegundir mannvirkja.

 Í verkefninu er fjallað um nýja prófunaraðferð á alkalívirni fylliefna í steinsteypu. Sýnin eru steypt úr 20x75x7,5 cm mót. Þau eru geymd við 40°C og lengdarbreytingar skráðar reglulega í a.m.k. 1 ár. Sýni úr 7 námum og með 4 sementstegundum voru prófuð. Til samanburðar voru sömu prófblöndur prófaðar með múrstrendingaaðferðinni ASTM C227. Niðurstöðurnar sýna að svipaðar lengdarbreytingar mælast með báðum aðferðunum eftir 12 mánuði með einni undantekningu þó, þar sem óvirkt efni skv. ASTM mældist virkt með RILEM aðferðinni. Þensla er þó mun örari í múrstrendingaprófmu.

Í þessu verkefni er ætlunin að vinna að lausn þeirra vandamála, sem fyrir hendi eru á steypustaö og áhrif hafa á endingu og viðhaldsþörf: í áfanga 1995 er einkum átt við eftirtalda þætti :

• Bending og staðsetning hennar í steyptum byggingarhlutum.
• Múrhúðun og viðloðun hennar við veggi.
• Aðhlynning steypu.

Um er að ræða undirverkefni varðandi áhrif olíu á yfirborð steypu, viðloðun múrs og viðloðun bendingar við steypu. Á vegum Steinsteypunefndar voru gerðar nokkrar rannsóknir á áhrifum mótaolíu á ýmsa þætti við gerð steyptra húsa s.s. viðloðun múrhúðar, viðloðun bendistáls og yfirborð steypu.

Rétt staðsetning bendingar í steyptum mannvirkjum skiptir höfuð máli. A teikningum er tilgreint, hver staðsetningin á að vera, en hún er ein helsta forsenda burðarþolsútreikninga. Það er þó ekki aðeins burðarþol, sem ræðst af staðsetningu bendingar heldur einnig ending steyptra mannvirkja þar sem tæring bendingar er ein algengasta orsök steypuskemmda í heiminum.

Steinsteypunefnd ákvað að gera könnun á því hvort verktakar hefðu nú náð betri tökum á staðsetningu bendingar í sjónsteyptum útveggjum þannig að slíkir veggir væru öruggur kostur í dag. Gert var úrtak nýlegra húsa með sjónsteypu og staðsetning bendingar í útveggjum mæld og í nokkrum tilvikum einnig í steyptum svölum þar sem brögð hafa verið af ryðskemmdum.

Markmið verkefnisins er að auka þekkingu á þeim þáttum í SÚL-steypu  sem hafa áhrif á endingu steypunnar og bera saman einkenni íslenskrar súl-steypu og erlendrar. Markmiðum verður náð með því að rannsaka endingu sjálfútleggjandi steypu með því að:
Notkun íslenskra fylliefna í sjálfútleggjandi steinsteypu
setja af stað prófanir í rannsóknastofu Rb.
fyljast með mannvirkjum úr sjálfútleggjandi steypu t.d. hafnarmannvirki í Stykkilshólmi

Markmið verkefnisins er að taka saman þá reynslu sem fyrir hendi er á Íslandi við nokun á "possolan" við sementsframleiðslu og áhrif á gæði steinsteypu og losun koltvísýrings við framleiðslu.
Framleiðsla sements hefur íför með sér verulega losun koltvísýrings út í andrúmsloftið.

 Sænska veðrunarþolsprófunin á steinsteypu, SS 14 72 33, hefur verið notuð hér á landi sem og í flestum löndum Norður Evrópu um árabili og almennt talið með góðum árangri. Lagt hefur verið til að aðferðin verði gerð að Evrópustaðli. Frostskemmdir í steinsteypu eiga sér stað með tvennum hætti: 1) yfirborðsflögnun og 2) innri sprungumyndun. Þótt prófsteypa fái enga eða litla flögnun í veðrunarþolsprófun, þá er ekki þar með sagt að innri skemmdir eigi sér ekki stað. Til þess að tryggja vel frostþolna steinsteypu, er nauðsynlegt að rannsaka einnig innri sprungumyndun í veðrunarþolsprófun. Samkvæmt CEN-staðla nefndinni TC51/WG12/TG4 er nauðsynlegt að kanna betur getu sænsku aðferðarinnar til að meta innri skemmdir, áður en aðferðin verði gerð að Evrópustaðli. Tilgangurinn með þessari rannsókn er að prófa þessar viðbætur á íslenskri steinsteypu með það í huga að auka áreiðanleika veðrunarþolsprófana hér á landi, til að taka þátt í og leggja fram tillögur til Evrópskar staðlagerðar og að lokum til að auka þekkingu og skilning á veðrunarþoli í steinsteypu. Í skýrslunni er gerð grein fyrir þeirri vinnu sem unnin var á síðasta ári í verkefninu.

 Rakaþéttiefni (Curing Compound) eru notuð til að hindra útþornun nýrrar steinsteypu. Margt er óöruggt við nokun þeirra. Þau eru bæði í mismunandi flokkum hvað varðar virkni gegn útþornun og einnig hvað varðar endingu en sum þeirra eiga að leysast upp á stuttum tíma og því ekki að mynda lag á yfirborði, sem gæti orðið til skaða þegar múrhúð eða málnng er sett á steypuna.
 

Markmið með rannsókninni er að kanna virkni og eiginleika slíkra efna þannig að unnt verði að gefa haldgóða ráðgjöf varðandi notkun þeirra við íslenskar aðstæður og þá að stuðala að réttri og/eða aukinni notkun þar sem slíkt er heppilegt.

Markmið verkefninsins er að nýta UPE tæki Rb til þess að gera ástandskannanir  á steyptum mannvirkjum ódýrari og markvissari en unnt hefur verið til þessa. tækið gerir kleyft að mæla sprungur og holrýmd í steinsteypu án sýnatöku sem geur mikla möguleika í ástandskönnun og hefur í för með sér verulegan sparnað.

Tæringarhætta  bendingar er helsta vandamál varðandi varanleika og viðhaldsþörf steyptra mannvirkja í heiminum en tæring stafar annað hvort af kolsýringu steypunnar eða að salt komist inna að bendingu. Verkefnið mun rannsaka áhrifaþætti leiðni klórs í íslenskri steinsteypu

 Samanburður á forskrift og raunverulegri steypuþekju í úrtaki mannvirkja. Forskrift um steypuþekju taki mið afþolmörkum

Núverandi tæki til að mæla loftkerfi í steinsteypu fyrir hörðnun má nota á ýmsan hátt til þess að ná betri tökum á að tryggja fullnægjandi loftkerfi í steyptum mannvirkjum. Mun betri grunnupplýsingar vantar þó ásamt upplýsingum um áreiðanleika mælinga Á vegum Steinsteypunefndar voru gerðar vissar grunnmælingar á sl. ári

Markmið verkefnisins var að rannsaka hvort hægt sé að greina þenjanlegar leirsteindir í ummynduðu basalti á einfaldan hátt og flokka þannig ummyndað basalt í "gott" eða "slæmt" berg til mannvirkjagerðar. Valin voru steinefni sem hafa verið bergreind með hefðbundinni aðferð, bæði fersk og ummynduð. Gerðar voru nokkrar prófanir á þeim, þunnsneiðar skoðaðar og efnið flokkað í mismunandi stig ummyndunar eftir því hve mörg prósent af efninu reyndist ummyndað; gerð Methylene blue greining, röntkengreiningar; nokkrar "nýjar" steinefnaprófanir reyndar á nokkrum efnanna, steyptir múrstrendingar úr nokkrum efnanna og mæld þensla og rýrnun þeirra og skoðaðar þunnsneiðar úr strendingunum.

Hástyrkleikasteypa var notuð fyrir 4 árum og SEM mælingar gerðar árið eftir. Endurtekning slíkra mælinga nú geta gefið mikivægar upplýsingar um eðli niðurbrots og hversu vænleg notkun hástyrkleika-/hágæðasteypu er við slík slikyrði.

Kannaðar hafa verið hreyfingar í múr vegna rakabreytinga með hreinu Portlandsementi og venjulegu Portlandsementi. Reyndist munur á rýrnun meiri en ætlað var og hreyfingar við endurtekna væntingu og þmtkun einnig veruleg. Þar sem hreyfingar í múr við rakabreytingar er megin vandamál í sementsbundnum efnum er talin ástæða til að rannsaka málið betur.

Í verkefninu verða gerðar rannsóknir á mismunandi sementstegundum með staðalsandi og íslenskum efnum. Sérstaklega verða rannsökuð áhrif possolana í íslenska sementinu á rakahreyfingar og kannað hvort unnt sé að minnka þær.

Markmið verkefnisins er að efla vitund manna um að góð aðhlynning steinsteypu sé forsenda fyrir góðum gæðum steyptra mannvirkja og oft fyrir góðri endingu þeirra.

 Í þessu verkefni er gert ráð fyrir að sinnt verði nokkrum þáttum er mikilvægir eru varðandi þróun steinsteypu og steyptra mannvirkja næstu ár. Varðandi nýsköpun í steinsteyputækni er um að ræða að afla upplýsinga og/eða gera prófanir með nýungar sem verið er að þróa erlendis eða lúta að því að leysa vandamál við gerð steyptra mannvirkja. Má þar nefna t.d. eftirtalin stikkorð: Mikrotrefjar, yfirborðsspennur i efju, frostþol, plastísk rýrnun, hvörfunarrýmun fyrsta sólahringinn, þróun í mælitækni.

 Notkun á íblöndunarefnum er engin nýlunda hér á landi, kísilryk hefur verið bætt út í sement síðan 1979 og líparít hefur verið notað í sement mun lengur. Tilgangurinn er að draga úr alkalívirkni sementsins, en bæði líparít og kísilryk eru virk efni í steypu. Efni sem draga úr alkalívirkni eru kölluð possolanar. Sementsverksmiðjan hf hefur gert tilraunir með að blanda skeljasandi í íslenskt sement. Sýnin voru prófuð hjá Rannsóknastofnun byggingariðnaðarins og í þessari skýrslu er fjallað um helstu niðurstöður úr prófununum. Rannsóknin er styrkt af Steinsteypunefnd

Verkefnið er fólgið í því að koma upp aðstöðu og búnaði til þess að unnt sé að framkvæma staðlaða RILEM steypustrendingaprófun við Rb. Jafnframt að gera samanburðarmælingar við múrstrendingaaðferðina á helstu fylliefnum og sementstegundum þannig að unnt verði að túlka niðurstöður þessara prófana samræmt og nýta sér þær miklu upplýsingar sem byggjast á ASTM 227.

Verkefnið er fólgið í því að rannsaka borkjarna úr veggjunum og með aðstoð þunnsneiðatækni að greina ástand þeirra nákvæmlega og þá einkum með tilliti til alkalívirkni og frostáhrifa. Prófanir sýna í frost - þíðu skáp gæti einnig verið gagnlegt.

 Markmið verkefnisins erað nota "Veisliteren" mælitæki til þess að afla á hraðvirkan hátt betri upplýsinga um slitol steyptra vegaslitlaga á Íslandi. Við úrvinnslu er þess vænst að samanburður fáist við slitþol slitlaga í öðrum löndum sem notað hafa mælitækið.

 Markmið verkefnisins er að:

1. rannsaka áhrif berggerðar á styrk steinsteypu og þá aðallega styrk bindingsins milli fylliefna og sementsefju ("interface zone"). Sérstaklega skal kanna áhrif berggerðar á hlutfall þrýstings og togþols, en komið hefur í ljós að það er í flestum tilvikum lægra hérlendis en venjuleg viðmiðun gerir ráð fyrir.
2. rannsaka frostþol berggerða og áhrif frostþols og yfirborðsáferðar steinefna á frostþol steinsteypu.
3. setja fram leiðbeinandi mörk, byggð á berggreiningu, varðandi gæði fylliefna í steinsteypu. Þessi mörk verða væntanlega mismunandi eftir notkunarsviði steypunnar (innisteypa, útisteypa eða útisteypa með saltálagi, o.s.frv.).

 Verkefnið er fólgið í því að kanna hugsanlegar orsakir með það að markmiði að bæta dreifingu og þar með nýtingu possolana í steypu.

Markmið með þessu verkefni er að kanna áhrif glers og plasttrefja á eiginleika steypu úr íslenskum hráefnum. Jafnframt að kanna hvaða steypustyrk unnt er að ná með notkun kísilryks.

Væntanlegur árangur mun m.a. leiða til þess að:

1. unnt verður að meta tæknilega kosti og hagkvæmni við notlun trefja í: ný mannvirki, við viðgerðir og við frmleiðslu á steypuvörum( rör, hellur, klæðningar o.fl.)
2. hönnuðir geta nýtt sér hásyrkleikasteypur í auknum mæli við hönnun mannvirkja.

 Verkefnið lýtur að þvi að koma inn hástyrkleikasteypu í slíkum byggingarhlutum til þess að auka endingu þeirra. Verkefnið byggir á niðurstöðum úr fyrri rannsóknurn, sem sýna að hástyrkleikasteypur er unnt að framleiða úr venjulegurm steypuefnum. sbr. rit um hástyrkleikasteypur.

Markmið verkefnisins er að kanna hvort kröfur, sem gerðar eru til steinsteypu í byggingarreglugerð, skili sér. Smásjárrannsóknir vor framkvæmdar á steinsteyptusýnum úr rúmlega eitt hundrað íbúðarhúsum á Stór-Reykjavíkurssvæðinu frá tímabilinu 1976 til 1990. 

Megin markmið verkefnisins eru:

1. Að sjá hvaða áhrif tæknibreytingar s.s. notkun kísilryks, sérvirkra þjálniefna og reglugerðarbreytinga, þar sem kröfur um þessa þætti hafa verið gerðar, haf haft á gæði steinsteypu og endingu mannvirkja.
2. Að afla upplæýsinga um þá .þætti í steypunni, sem eru ráðandi un endingu hennar (sementsmagn, v/s tala og loftblendi)
3. Að rannsaka dreifingu og stærð samsafna kísilryks í steinsteypu

Í þessu verkefni er  kannað hvaða styrkleika hágæðasteypur úr íslanskum fylliefnum  geta náð og hvenær og hvort unnt sé að sleppa loftblendi til að tryggja veðrunarþol steypu með lága v/s-tölu.

Markmið verkefnisins er að ná valdi á smásjártækninni og aðlaga hana að íslenskum aðstæðum þannig að unnt verði að nýta hana við gæðamat steinsteypu og steypuefna, skýra orsakir fyrir skemmdum og ákvarða þá megin þætti í innri gerð sem ráða eiginleikum steinsteyp­unnar. og þannig:

1. geta í vaxandi mæli, ákvarðað gæði fylliefnin i steinsteypu með berggreiningu einni saman.
2. setja fram tillögur um æskilega bergsamsetningu fylliefnis með tilliti til álags á steinsteypuna.
3. byggja upp færni og koma upp búnaði til fullkominna greininga á innri gerð steypuefnis og steinsteypu.

 Sé vaxandi skaða að vænta af völdum salta á steinsteyptum og múrhúðuðum mannvirkjum á Íslandi, ætti að vera unnt að nota niður­stöður rannsóknaverkefnisins til þess að skipuleggja forvarnir og gera ráðstafanir til þess að komast hjá viðhaldskostnaði, sem gæti orðið verulegur bæði fyrir einstaklinga og þjóðfélagið í heild.

Niðurstöðurnar ættu íslenskir framleiðendur og hugvitsmenn að geta notað til þróun efna og tækni til varna gegn skaða, og viðgerða á skemmdum, af völdum salta.
 

Í meginatriðum er verkefnið fólgið í eftirfarandi þátt­um: (1) Gagnaathugun og fortilraunir með mælingar á sóltum. (2) Mælingar á magni salta eftir dýpt i steinsteypu og múrhúð i úrtaki af öllu landinu, með serstakri hliðsjón af nálægð sýna við styrktarjárn .og sprungur. (3) Rannsókn á áhrifum salta á vatnsdrægni steypu og múrhúðar og áhrifum yfirborðsefna á upptökuhraða klóriðsalta, i sértökum úða-þurrk-turnum; tilraunir með varnir gegn upptöku þeirra. (4) Rannsókn á uppsöfnun salta innan við lag af vatnsfælum og máln­ingu og hugsanlegum skemmdum af slíku; athuganir á vörnum. (5) Rann­sókn á saltútfellingum og tilraunir með varnir gegn þeim eða gegn skaða af

Markmið verkefnisins er að kanna, hvort möguleiki sé á alkaliskemmdum í húsum þrátt fyrir kísilryksíblöndun.
þrjú ár eru liðin frá seinustu könnun á alkalískemmdum (V-252) og 10 ár frá þvi að kisilryksíblöndun hófst.Í verkefninu er gerð ný ný könnun, sem byggir á þeirri fyrri.

Markmið verkefnisins er tvíþætt:
a) Mælinga  eiginleika sementsbundinna viðgerðarefna
b) gera tillögu að gæðaflokkunarkerfi og flokkun viðgerðarefna samkvæmt kefinu.

Tilgangur ransóknarinnar er að kanna samband milli verðrunarþols og rakadrægni, svo hægt verði að nota rakadrægnimælingar við mat á verðrunarþoli.

Niðurstöður prófnna sýna að möguleiki er á að meta frostþol steypu út frá holrýmd.

 Í verkefninu er gerður samanburður á frostþoli og alkalívirkni steinsteypu sem annrsvegar er með og hinsvegar án kísilryks.

 Markmið verkefnisins er að meta ástand sprungu viðgerða á 35 húsum í Reykjavík. sameiginlegt með húsumun er að við þau hefur verið gert með hefðbundnum steypuviðgerðum á árunum 1983-1988. Tilgangur skoðunarinnar var að fá nokkra mynd af því hvernig einstakar viðgerðar aðferðir hafa tekist. Einnig var í skoðunnini lagt mat á múrviðgerðir og endursteypu auk viðgerða á sprungum. Leitast var við með þessu að meta gæði viðgerðanna í heild sinni og útlit viðgerðanna.

Þegar meta á gæði eða nothæfi setkorna malaðs bergs, þ.e.a.s. þess sem hér kallast steinefni, er það i vaxandi mæli flokkað m.t,t. bergsamsetninga. Með öðrum orðum, efnið er berggreint. Frá árinu 1979 hefur verið fylgt innanhússtaðli R.b., og hefur náðst betri samkvæmni (precision) við greininguna en áður var. Einna lélegust er samkvæmnin - milli manna, og við mismunandi greiningar á sama efninu – þegar flokkað er berg einkum basalt sem ekki er ferskt. Eru steinefnakornin flokkuð sem fersk, lítillega ummynduð, ummynduð eða mjög ummynduð.

 Í verkefninu er fylgst með úrtaki mannvirkja sem steypt voru 1986 og 1987 og þau flokkuðm.t.t. sprungumyndanna í steypu/múrhúð og reynt að meta niðurstöður út frá hörðnunarskilyrðum.

Þetta verkefni er framhald fyrri ástandskannana, sem síðast var framkvæmd 1983, en einskorðar sig mannvirki byggð eftir að ný byggingarreglugerð tók gildi, og eftir að kísilryksblöndun hófst sem var 1979. Gert verður úrtak mannvirkja sem steypt voru eftir 1979, teknir borkjarnar úr öllum mannvirkjum þar sem grunur leikur á að alkalívirkni sé fyrir hendi og þeir rannsakaðir.

 Markmið verkefnisins er að kanna hvor ráðstafanir í sement- og steypuframleiðslu sem gerðar voru 1979 hafi verið fullnægjandi til þess að hindra skaðlega alkalívirkni í húsum.

  Í verkefni þessu eru steypur með mismunandi v/s tölu og loftinnihaldi og rannsakað veðrunarþol  samkvæmt ASTM c666 og loftkerfi í steypunni ákvarðað.

 Í þessu verkefni eru skýrð þau markmið sem þarf til þess að framleiða hastyrkleikasteypu úr íslenskum fylliefnum, sem felast m.a.a í því að:

• Rannsaka hvort unnt sé að famleiða hástyrkleikasteypu úr venjulegum íslenskum fylliefnum
• Finna hvenær kröfur um fylliefni eru orðin ráðandi um þann styrk sem næst
• Kanna hversu háum styrk er hægt að ná með því að vinna fylliefni úr gæðabergi
• Benda á notkunarsvið fyrir hástyrkleikasteypu

Vatnsfælur geta verið áhrifaríkar við að lækka rakastig í útveggjum húsa. Þær geta aukið verðrunarþol rakadrægrar steypu og þær hindra ekki gufustreymi úr steypu. Í þessu verkefni er rannskað hvor bæta megi frostþol steinsteypu með indreypingu Monosílans, áhrif rakastigs í steypu við inndreyptingu, virkni Monosílana og áhrif efnisnotkunnar á virkni.

1984 var metin tíðni alkalískemmda í steyptum húsum, sem byggð voru í Reykjavík og nágrenni fyrir 1983. Var þetta 3. rannsóknin af þessu tagi síðan 1979. samkvæmt mælingum á loftinnihaldi og saltinnihaldi kjarna voru niðurstöður samanborið við fyrri rannsóknir var tíðnin meiri í elstu húsunum, en eftir 1968 var tíðnin minni og engin eftir 1979. Þess má geta að við ræktun í alkalíkeri kom fram alkalíhlaup í einum kjarna úr steypu, sem steypt var eftir 1979. Er það eina dæmið um slíkt til þessa. í framhaldi var ákveðið að rannsaka frekar og ákeðið að teknir skyldu kjarnar úr húsum, sem steypt voru árin 1979-1983, 10 hús pr. ár og kjarnarnir settir í alkalíker og jafnframt ákvarðað , hvaða fylliefni væru í steypunni.

 Markmið verkefnisins er að kanna raunverulegt loft í steinsteypu steyptri á undanförnum árum. Gerð verður úttekt á 10 húsum frá hverju ári 1975-1982.

Alkali-kisil efnahvörf eru þekkt víða erlendis þar sem skemmdir hafa einkum komið fram í virkjunum, brúm og höfnum. Viðgerðir á slikum skemmdum hafa oftast ekki verið reyndar, en þar sem slíkt hefur verið gert hafa þær verið fólgnar í því að brjóta upp steypuna og endursteypa. Slíkar aðgerðir eru kostnaðarsamar og gefa ekki ávalt tilætlaðan árangur.

Markmið þessa verkefnis er að kanna mismunandi viðgerðaraðgerðir á alkalískemmdum húsum.